Uma vez mais, a ASA lança em em mirandês uma aventura de Astérix.
Ye quaije ua normalidade que ls nuobos lançamientos de las abinturas de Asterix se apersenten an Pertual an dues bersones, an pertués i an mirandés. Depuis de l lançamiento de «La Filha de Bercingétorix» na sue berson normal an Outubre de l'anho passado, ye chegada agora la beç de la “berson mirandesa” chegar a las libraries nacionales a partir de la próssima sumana. La léngua mirandesa ye falada por ua populaçon stimada an cerca de 10.000 pessonas, localizada eissencialmente ne l stremo nordeste de Pertual, i ten l statuto oufecial, zde 1999, de segunda léngua de l paíç. La preserbaçon de la léngua mirandesa al longo de ls tiempos debiu-se a la geografie i al eisolamiento de las zeignadas Tierras de Miranda. I la sue cunserbaçon agora, mais qu'ua queston cultural, ye ua queston nacional. Nesse sentido l'eidiçon de banda zenhada an mirandés, inda mais de las abinturas de l'eirredutible gaulés ye un eicelente cuntributo.
La Filha de Bercingétorix
Buoltas i rebiraboltas an perspetiba! La filha de l célebre xefe gaulés Bercingétorix, perseguida puls romanos, refugie-se na aldé de ls eirredutibles gauleses, único lugar na Gália acupada que puode garantir la sue proteçon. I l mínimo que se puode dezir, ye que la persença desta adolescente special bai porbocar múltiplos çtúrbios antergeracionales…
Asterix - La Filha de Bercingétorix, Jean-Yves Ferri e Didier Conrad, ASA, 48 pp., cor, capa dura, 12,90€
Sem comentários:
Enviar um comentário